حوار صحفي مع الكاتب/ محمد السيد
س: في البداية، ممكن تعرفنا عن نفسك؟
انا اسمي محمد احمد السيد من اسكندريه عندي 24 سنه خريج كلية آداب جامعه اسكندريه قسم تاريخ شعبة الآثار المصرية دفعه 2024 وحاليا بحضر ماجيستير في الآثار المصرية بأمر الله
س: امتى بدأت مشوارك الأدبي؟
بداية مشواري الادبي في سنه2017 مع اول قصه كتبتها اسمها ابواب جهنم واللي كانت بدايه لانطلاق حواديت رجب الاباصيري شخصيه اخترعتها وبقي هو البطل اللي بيكتب كل القصص والروايات اللي تملي بذكرها ف كل عمل أدبي بقدمه عشان كده عملت حاجه اسمها حواديت رجب الاباصيري ✍️❤️ شخصيه خياليه من وحيي الخاص غير اني بقدم فويس اوفر وبسرد موضوعات عن الآثار المصرية القديمه وممكن عن روايات بسرد منها اجزاء
س: ايه السبب اللي خلاك تحب الكتابة؟
حبي للكتابه ارتبط ب فرع التعبير اللي ف اللغه العربيه من صغري وانا ف المدرسه بحب اني اوصف واتخيل موضوع او قصه واعيش واسرح معاها وممكن مخلصهاش بس حابب اني اكتب واعبر بطريقتي الخاصه الورقه والقلم عشق متعه لما اعبر عن الشئ اللى بحبه واعيش واسرح ف الخيال معاه
س: ايه هي أعمالك الأدبية؟
لو هنتكلم عن الأعمال الادبيه بفضل الله بلغت ال 200 عمل ادبي تصنيف دراما وخيال علمي واكشن و فانتازيا ورعب و مغامرات ومنهم اللي متمش اصدارهم عاليها واطيها وخطوة عزيزه ورواية ف بير وقصة سبيرتو زمن 42 ودماغ الماظ والملتحيين ونار وبنزين وجرامافون وقصه اسمها الفرماوي وقصه اسمها اول الخيوط the mask وقصة 3/11 بريطانيا وقصه العمة ورواية التفاحة الجزء الاول والتاني وعملت نص مسرحي اسمه افندي وصبيه عن قصة حياة سعد وصفيه زغلول وغيرهم من القصص اللي كاتبها وروايات برضه منتظره لأجل خروجهم للنور ولكن اللي تم إصدارها اول روايه اسمها مصر و الحمايه الجزء الاول والكلام ده سنه 2022 وكتاب مجمع شاركت فيه كتابه قصه اسمها الظلام والجميله والكتاب اسمه /صرخة انثي
س: وهل شاركت في معارض من قبل؟
روايه مصر والحماية بفضل الله شاركت ف معرض القاهرة الدولي للكتاب وأصبحت افضل روايات إثارة وتشويق ومشاركة الروايه في معرض ساقيه الصاوي ومعرض الاسكندريه الدولي للكتاب ومشاركة الكتاب في مسابقه افضل 5 روايات عن مبادرة الكاتب العربي ومشاركة كتاب صرخه انثي ف عرضه داخل مكتبة الإسكندرية بفضل الله
س: مين اللي شجعك على الكتابة؟
بفضل الله اللي شجعني علي الكتابه كان الوالدين ولكن والدتي الاكثر دعما وتشجيعا وتملي بتسمع للقصص اللي بكتبها وبتكون مندهشه بالافكار اللي بجيبها لاني من النوع اللي بيحب يكتب افكار مختلفه متعملتش قبل كده بقدر الإمكان
س: ممكن تقولنا الكتابة أثرت فيك ولا لأ؟ وايه مدى تأثيرها على شخصيتك؟
كتابة القصص اللي فيها بطوله وكفاح من شخص بيتصدي الظلام وبيتحداه لما بعبر عن الشخصيه دي بحس اني الشخص ده لاني تملي بحب اكتب عن جزء ف حياتي واحوله لقصه ولو مدتها خمس دقائق
س: تحب تقول ايه لأي حد بيبدأ في الكتابة؟
لو حابب تبدأ ف كتابه القصص والروايات عليك الاتطلاع في القراءه ولو ف اليوم نص ساعه حتي بس اقرا بتعمق وتاني وشوف انت استنتجت ايه وايه اللي استفدت منه ف الكتاب اللى قريته شوف مميزات الكاتب هي ايه وازاي قدر يقنعك ب اسلوبه ويكون معاك حصيلة كلمات كتيره بقدر المستطاع وده بيتم مع القراءه الكتير وتحديدا مع اللون الادبي اللي انت ميال له
س: مين هو قدوتك من الأدباء؟
قدوتي ف الكتابه الحقيقه الدكتور أحمد خالد توفيق رحمه الله حقيقي يوتوبيا وسر الغرفه 207 وما وراء الطبيعه بجد اروع ما انتجه المؤلف والكاتب الكبير ده الحقيقة وبعده طبعا حسن الجندي عن روايه الجزار وابتسم فأنت ميت
س: تحب تقول ايه للشخص اللي خلاك تبدع في الكتابة؟
بشكر الوالدين علي مدي حبهم لكتاباتي ومدي تشجيعهم ليا علي استمرار العمل ف المجال حقيقي وشكرا للأصدقاء من قرأوا للقصص اللي بكتبها ومدي إبداء الآراء فيها واتمني يكون القادم افضل واحسن باذن الله تعالى
س: وفي النهاية، تحب تقول ايه لقراءك؟
أحب أشكر القراء محبين وداعمي موهبتي وانهم ممتنين لافكاري الكتابيه اللي فيها نوع جديد ومختلف وبقدر الامكان أقدملكم كل ماهو جديد ومبتكر واطلع أفكار من بره الصندوق بإذن الله تعالي وتحياتي ليكم بجد
تحرير: أميرة حجازي