حوار صحفي مع المبدعة /نهى الخطيب
ـ أولاً، ممكن تعرفينا عن نفسك؟مين هي نهى الخطيب؟
=اسمي نهى ابو العباس اتعرفت مؤخراً بإسم نهى الخطيب بحب الادب والشعر العربي الفصيح وبحب اقرأ جداً، ومؤخراً بدأت أكتب.
ـ مين اللي شجعك على الكتابة؟
= انا اكبر داعم لنفسي، وشغفي اللي حركني كنت بكتب من وانا طفلة، بوثق لحظات معينة بجمل أدبية، وكنت بكتب خواطر ونصوص لنفسي لحد من سنة عدت لقيت كل حاجه بتترتب تلقائي وبدأت إني انشر كتاباتي سواء إلكتروني او ورقي ولله الحمد انا مبسوطة جداً بالخطوة دي.
ـ مين اول حد قرأتي له؟ وايه أكتر رواية شدتك وحسيتي انك عايشة جواها؟
= مش مُتذكرة الكل ولكن اكثر كُتب حبيتها ومعلقة معايا هي سلسلة مملكة البلاغة
لدكتور حنان لاشين ويُعتبر من اجمل ما قرأت
ـ ايه هي أعمالك؟ وهل في رواية جديدة بتكتبيها دلوقتي؟
= نزلت في معرض القاهرة الدولي للكتاب سنة ألفين خمسة وعشرين بقصة
" أنا الغريب " المجموعه القصصية "صندوق الحكايات" ونزلت معرض اسكندرية بقصة "رِواء" كتاب "صرخة أنثى".
وبإذن الله قريباً هينزل عمل فردي بإسمي.
ـ شايفة نفسك فين كمان خمس سنين؟
= شخصية مؤثرة، حابه إن كتاباتي يكون لها واقع أثري على كل من قرأها، ويكون لها عائد مُفيد ودعم للقُراء، ويكون عندي كذا عمل ورقي معروف.
ـ عندك مواهب تانية؟
= الشعر سواء كتابة او إلقاء
وبحب إني اجرب واكتشف حاجات جديدة.
ـ مين هو قدوتك في الآدباء؟
تأثرت بعدد كبير من الشعراء والآدباء القدماء والمعاصرين، ومازلت في رحلتي لإكتشاف والقراءة اكثر.
تحرير: أميرة حجازي
لمتابعة نهى الخاطيب اضغط هنا
ولا تنسى الانضمام الى مجموعتنا على الفيس بوك اضعط هنا