حوار صحفي مع المبدعة الصغيرة / جنة إسماعيل
تحرير: أميرة حجازي
في سن صغير استطاعت أن تحجز لنفسها مكانًا وسط المبدعين، فرغم انشغالها بالدراسة إلا أن شغفها بالخيال جعلها تنسج عوالم جديدة وتبهر القراء برواياتها.
إنها الطالبة والكاتبة الواعدة جنة إسماعيل، التي خطت خطواتها الأولى بثقة في عالم الأدب والفانتازيا، وشاركت بأعمالها في معارض كبرى. كان لنا معها هذا الحوار...
ـ أولاً، ممكن تعرفينا عن نفسك؟ مين هي جنة إسماعيل؟
أنا جنة إسماعيل، طالبة في أولى ثانوي، بكتب روايات خيالية (فانتازيا).
ـ مين اللي شجعك على الكتابة؟
ماما دايمًا بتشجعني إني أكتب وأطور من نفسي.
ـ مين أول حد قرأتي له؟ وإيه أكتر رواية شدتك وحسيتي إنك عايشة جواها؟
قرأت للدكتور عمرو عبد الحميد، والدكتورة حنان لاشين.
ورواية أرض زيكولا حقيقي سحرتني.
ـ إيه هي أعمالك؟ وهل في رواية جديدة بتكتبيها دلوقتي؟
كتبت روايتين نزلوا في معرض القاهرة الدولي 2025، وهما: البوابات النجمية و كوكب الكائنات المجنحة.
وكمان رواية الجزء المفقود اللي نزلت في معرض ساقية الصاوي.
ـ شايفة نفسك فين كمان خمس سنين؟
نفسي كمان خمس سنين أكون حققت حلمي وسافرت ألمانيا علشان أكمل دراستي.
ـ عندك مواهب تانية؟
آه، عندي موهبة الرسم والتقديم.
ـ مين هو قدوتك في الأدب؟ ومين قدوتك في الحياة عموماً؟
مفيش حد بعينه، بس ممكن أقول نجيب محفوظ.
ومش حابة أكون زي حد، أنا نفسي أكون نفسي لا أشبه أحد.
لمتابعة الكاتبة هنا