هناك عوالم موازية، يحدث فيها ما لم يتخيله عقل، ولا يعرف طريقا للمنطق، استطاعت كاتبتنا أن تأخذنا معها الى هذه العوالم بطريقتها الشيقة والممتعة، وما أن قرأت لها إلا أنك ستعيش معها حالة الرواية وستكون جزءا منها، إنها الكاتبة المبدعة والمتألقة (مروة سليم).
س: في البداية، ممكن تعرفينا أكتر عن مروة؟
ج: مروة إنسانة عادية جدًا بتحب الكتابة وبتشوف إن الكتابة مش بس هواية، دي حياة. بحاول أكتب علشان أسيب أثر طيب ،وأشارك الناس حكايات وأفكار تلمس قلوبهم وتفتح لهم باب للتفكير .
س: امتى بدأتي مشوارك الأدبي؟
ج: من وأنا صغيرة جدًا كان عندي شغف بالقراءة، ومن وقتها الكتابة بقت وسيلة للتنفيس والتعبير. لكن البداية الفعلية كانت لما قررت أشارك كتاباتي مع الناس وأخرجها من الدرج للنور.وبالفعل من سنة نشرت أول رواية بإسم "حدث في عالم موازي"
س: إيه السبب اللي خلاكي تحبي الكتابة؟
ج: الكتابة بالنسبة لي مش مجرد هواية، هي ملجأ . يمكن السبب الأساسي إن الكلمة قدرت تنقذني في لحظات ضعف، وتديني قوة وقت ما كنت محتاجة.
س: إيه هي أعمالك الأدبية؟
ج: كتبت روايات وأعمال بتتنوع بين الدراما، الخيال، والتحقيقات الواقعية عن الجرائم. بجانب قصص قصيرة وبرامج توعوية زي "كبسولة زمن"
س: مين اللي شجعك على الكتابة؟
ج: زوجي واخواتي كانوا أكبر داعم ليا بعدهم بقا في تشجيع
، … جه من الناس اللي بدأت تكلمني وتقول:"إحنا مستنيين الجديد منك". اللحظة دي حسيت إني بكتب مش بس لنفسي، للناس كمان.
س: تحبي تقولي إيه لأي حد بيبدأ في الكتابة؟
ج: ما تخافش… واكتب من قلبك. ما تقلّدش حد، لأن كل واحد ليه بصمة. والكتابة مش ماراثون، هي رحلة طويلة بس جميلة
س: تحبي تقولي إيه للشخص اللي خلاكي تبدعي في الكتابة؟
ج: أقوله: شكراً… وجودك كان السبب إني أصدق في موهبتي وأخرج اللي جوايا للنور.
أقوله: إنت اللي خلّيتني أؤمن إن اللي بكتبه له قيمة، ومن غيرك ما كنتش هاخد الخطوة.
أقوله: كلمتك البسيطة كانت المفتاح اللي فتح لي طريق الكتابة.
أقوله: تشجيعك ليا كان زي الدفعة الأولى اللي خلتني أبدأ الرحلة.
س: مين هو قدوتك من الأدباء؟
ج: أنا مؤمنة إن كل كاتب كويس ممكن يكون قدوة. بحب اللي بيكتب ببساطة وصدق زى أحمد خالد توفيق وعمرو عبد الحميد
س: وفي النهاية، تحبي تقولي إيه لقراءك؟
ج: أحب أقولهم: إنتوا الحكاية كلها. كل كلمة بكتبها بتبقى رسالة مني ليكم، وإن شاء الله تفضلوا دايمًا السبب اللي يخليني أكمّل.
تحرير: أميرة حجازي
https://www.facebook.com/share/15WZah2qMH/ هنا
https://www.facebook.com/share/1MBrLnaEyB/ هنا