تُولد العديد من الكلمات، وترسم أحلى العبارات، عندما تمتلك القلم فإنك تُبدع وتكتب كل ما يجول بخاطرك، معنا اليوم كاتبة أبدعت في كتابة المجموعة القصصية، رغم صغر سنها الا أن شغفها للكتابة جعل لها مكانة بين الروائيين، إنها الكاتبة جنى السمنودي.
س: في البداية، ممكن تعرفينا أكتر عن جنى؟
ج:أنا چنى محمد السمنودي طالبة في الصف الأول الثانوي عندي ١٥ سنة
س: امتى بدأتي مشوارك الأدبي؟
ج: اول مرة كتبت كنت عندي ١٣ سنة كتبت الرواية في الكراسة و اول مرة انشر كان عندي ١٤ سنة نشرت اول رواية كتبتها
س: ايه السبب اللي خلاكي تحبي الكتابة؟
ج: شيئ جميل لما تلاقي حاجة تقدر تعبر فيها عن اللي انت عايزه، و القلم صديق وفي عمره ما بيغدر بيك ولا بيقول اسرارك لحد
س: ايه هي أعمالك الأدبية؟
ج: سلسلة روائية مكونة من ثلاثة أجزاء
الاول "لكل جريمة حب قتيل"
التاني "لكل منتقم ضحية لا ذنب لها"
التالت مصرحتش عنه لسة بس هنشره في الفترة القادمة بإذن الله
و مجموعة قصصية بعنوان بين ثنايا الصعيد فيها عدة اسكريبتات صعيدي
نوفيلا هبة السلطان
نوفيلا امان الصعيد
نوفيلا جنان على أرض اليابان "الحب بين التراويح و السحور" سابقا
نوفيلا نيران الثأر و العشق
و مجموعة قصصية باسم لحظات فريدة فيها مجموعة من الاسكريبتات برضه بس مش صعيدي
س: مين اللي شجعك على الكتابة؟
ج: في البداية خالص أمي و بعدها أختي "خلود" و اصحابي و اخواتي "سما عادل" و "لينا"
س: مين هو قدوتك من الأدباء؟
ج: الصراحة كلهم مبدعين جدا و احد أحلامي اني اوصل ليهم و اكون زيهم و أفضل أن شاء الله
لكن " زكي نجيب محمود" و "حافظ ابراهيم" و "المتنبي" هما الأفضل بالنسبالي
رغم ان الروايات مكانتش مجالهم
س: تحبي تقولي ايه للشخص اللي خلاكي تبدعي في الكتابة؟
ج: شكرا جدا لكل كلمة حلوة لكل تشجيع لكل نقد وجهتهولي و افادني و بتمنى ليك من كل قلبي النجاح دايما
تحرير: أميرة حجازي