حوار صحفي مع الكاتبة/ إيمان عبدالناصر سعد حسانين
س: في البداية، ممكن تعرفينا عن نفسك؟
انا ايمان عبد الناصر سعد حسانين ،كاتبة شغوفه، بحب أعبر عن مشاعري وأفكاري من خلال الكتابة، وبشوف إن الكتاب مجال مميز جدا بالنسبه لي الناس الي بتحب الكتابه والقراءه.
س: امتى بدأتي مشوارك الأدبي؟
بدأت مشواري الأدبي من فتره مش كبيره يعني بس من صغري وانا بحب الكتابه والقراءة لما جاتلي فرصه الكتابه شاركت وكنت مبسوطه قوي
س: ايه السبب اللي خلاكي تحب الكتابة؟
السبب الي خلاني احب الكتابه هو الكتابه بتخلينا بنعبر عن نفسنا في الأوقات الصعبه الي مش بنقدر نتكلم ف بنلاقي نفسنا بنكتب علي طول ✏️✏️
س: ايه هي أعمالك الأدبية؟
أعمالي الادبيه معايا مجموعه من خواطر في كتاب مجمع اسمه بين الحلم والواقع ولسه مستمره بطور في مجال الكتابه اكثر
س: وهل شاركتي في معارض من قبل؟
شاركت في معرض القاهره الدولي
ومعرض الساقيه وكذا معرض غيرهم
س: مين اللي شجعك على الكتابة؟
الحقيقه الدعم كان من نفسي اولا وطبعا اهلي ليهم دور كبير قوي
س: ممكن تقوليلنا الكتابة أثرت فيكي ولا لأ؟ وايه مدى تأثيرها على شخصيتك؟
طبعا أثرت قوي فيا خلتني اعرف كميه معلومات احنا مش بنعرفها اصلا. وغير كده خلتني أعبر بشكل أعمق والصبر طبعا
س: تحبي تقولي ايه لأي حد بيبدأ في الكتابة؟
انصح اي حد بيبدأ لسه جديد ابدا ومتستسلمش ابدا وطور نفسك بالكتابه والقراءة ده مجال هيخليك
تبقي كاتب شاطر
س: مين هو قدوتك من الأدباء؟
بحب أقرأ لكتير من الأدباء، وكل واحد فيهم له تأثير بطريقته، وبحب استفاد من كل التجارب المختلفة
س: تحبي تقولي ايه للشخص اللي خلاكي تبدعي في الكتابة؟
بحب اشكره طبعا علشان بسببه هو اكتشفت الكتابه ومدي حبي لي الكتابه
س: وفي النهاية، تحب تقول ايه لقراءك؟
اشكرهم طبعا اي حد بيحب يقرأ لي ويحب كتابتي وان شاء الله الأيام الجاي تبقي حاجات مميزه ❤️
تحرير: أميرة حجازي