س: في البداية، ممكن تعرفينا عن نفسك؟
حور أحمد شولح عمري ٨سنين ونص من دمياط
س: هل لما بترسمي بتحطي قدامك هدف توصيله؟
ايوة نفسي فني يوصل للدنيا كلها وأكون دكتورة وفنانه عالمية
س: امتى بدأتي مشوارك الفني؟
ماما اكتشفتني فيkg2 ونمت موهبتي في البيت وبعدين روحت عند مس رشا الأغا في مرسمها
س: ايه السبب اللي خلاك تحبي الرسم؟
مش عارفه. بس بحب أرسم أي حاجه أشوفها
س: هل عندك مواهب تانية؟
أيوة بكتب قصص قصيره وبصمم أزياء
س: مين اللي شجعك وكان الدافع ليكي؟
ماما وبابا واخواتي وتيتا وعائلتي
س: تفتكري بعد خمس سنين هتكوني وصلتي لحلمك؟
ان شاءالله أتمنى من ربنا أكون حققت حلمي
س: في نوع معين من الرسم بتحبي ترسمي فيه؟
ولو اتطلب منك ترسمي اي حاجة تقدري ترسميها ؟
ايوة بحب الرسم الفرعوني جدا ومن الخامات الجاف
ايوة اقدر أرسم اي حاجه الحمدلله
س: تحبي تقولي ايه للشخص اللي خلاكي توصلي للمرحلة دي من الرسم؟
أحب أشكر مس رشا جدا لأنها كانت بتدعمني وتشجعني أوصل للمرحلة دي وماما وبابا كمان
س: وفي النهاية، تحبي تقول ايه لاي حد يشوف حوارك الصحفي ده؟
أحب اقولهم مايوقفوش ويحاولوا دايما ولو وقفوا يقولوا يارب وكمان بتمنى يشجعوني ويدعموني
تحرير: أميرة حجازي