بقلم كوتش إلهام السيد
بنمشي في الحياة وإحنا متخيلين إن كل حاجة سهلة
بسهولة نظرتنا
وأول ما نبدأ أول خطوة لأي طريق
نكتشف إن كل خطوة محتاجة شجاعة وصبر ونفس طويل
تبص حواليك تحس
إن في ناس الدنيا معاهم سهلة
وأنت متعرفش هو شايل جواه حكاية تعب مش باينة قدامك
لاكنه أكيد عاشها وحده .
تيجى ترتب يومك
تلاقي التفاصيل الصغيرة
بتتعب أكتر بكتيييير من الكبيرة
تقف
تفكر
تحاول بس تفهم
هو في آيه
تلاقي أن أصعب خطوة
هى أنك تواجه نفسك بالحقيقة
وهى أن كل حاجة صعبة
حتى أنك تقول لأ
أو كفاية للطريق اللي بيستنزفك
أنك تختار لنفسك طريق أسهل
كل خطوة محتاجة قلب ثابت
كل حاجة ليها تمن من روحك
بس برغم كل التعب
لسه جوانا قوة نكمل
قدرة علي الحياة والسعي
وده يمكن أبسط ما فينا وأقواه
عشان في أخر كل تعب
بيبقي وصول للي سعينا لوصوله
أحنا متخلقناش عشان ننهزم
أحنا أتخلقنا عشان نسعي
كل خطوة صعبة النهارده
بتفتحلك باب لبكرة
حتي لو الخطوات صعبة
والطريق كله عراقيل
أنا أقوى وأصراري أقوى
ونيتي الطيبة أجمل
وصدقني
مش مطلوب منك تحارب نفسك
مطلوب منك تمشي ولو ببطء
تكمل حتي لو بخطوات متعثرة
وأيد ساند بيها نفسك
والأيد التانيه بتسعي
أكيد هتوصل
أكيد أنت تستاهل تحاول
عشان في أخر الطريق هتبص وراك وتبتسم وتقول
آه كان صعب
بس أنا كنت آده أوي
ما أبسط قلبي ونظراتي ونيتي
وأما أصعب هذه الخطوات
وأما أجمل ما وصلت إليه
دمتم بخير 🥰🤍
لمتابعة الكوتش