مقال بعنوان (موقع طريق الحرية)
لو حد قالك ان فيه مكان على الإنترنت تقدر تشتري منه أي حاجة.. اسلحة.. مخدرات.. جوازات سفر.. بيانات مسروقة.. او حتى خدمات اغتيال... هتصدق؟ ولا.. هتفكرها نكتة!
بس لأ ده مش هزار ولا اي كلام و خلاص دي حقيقة و المكان ده كان موجود بالفعل و اسمه Silk Road او طريق الحرية
و الموقع ده اتفتح على الدارك ويب سنة ٢٠١١ كان بمثابة الجزي الخفي من الانترت نت اللي مش متاح على جوجل ولا اي محرك بحث تاني صاحب الموقع اسمه.. روس أولبريخت ( Ross Ulbricht)
المعروف باسم.. Dread Pirate Roberts.. بمعنى القُرصان الرهيب روبرتس
كإن عنده أفكار غريبة عن الحرية المطلقة و شايف ان الناس ليها حق تبيع و تشتري اللي هي عايزاه من غير رقابة و نسي تماما ان كل شيئ حتى لو كان مفيد لو زاد عن حده بيبقى مضر و ده اللي حصل فعلا
في الأول كان الموضوع مجرد تجربة عادية بس سرعان ما اتحول لسوق ضخم بيجمع ملايين الدولارات في الأسبوع
و كل المعاملات كانت بتتم عليه بسرية تامة لدرجة ان الناس كانت بتتعامل مع بعضها بأسماء وهمية
و كل منتج ليه تقييمات زي اي تطبيق او موقع تاني بس الفرق ان ده بيبيع حاجات مختلفة ممنوع تداولها
السلطات عرفت الموضوع بعد سنتين و بدأت تتتبع المعاملات و رسايل المستخدمين لحد ما وصلت لروس في سنة ٢٠١٣ قبضوا عليه في مكتبة عامة كان بيفتح اللابتوب بتاعه عشان يشوف الموقع و يديره
و بعد المحاكمة اتحكم عليه بالسجن مدى الحياة و بالفعل الموقع اتقفل
بس فكرة روس كانت الشرارة مش اكتر و بعده انطلقت مواقع كتير شبهه و يمكن أسوأ منه كمان
القصة دي مش بس موقع او جريمة القصة عن ازاي الحرية المطلقة ممكن تبقى باب الظلام بيضلم وراه حاجات كتير وحشة
و ازاي التكنولوجيا اللي الهدف منها التقدم و الرقي ممكن تنزل بينا لمستوى القتل و المخدرات عشان كده مينفعش كل حاجة تزيد عن حدها حتى الحرية
عمل فريق ضوء خافت
كتابة جني محمد السمنودي