هناك من يشعر بعدم الأمان، وأيضا هناك من يتعرض للأذى النفسي، عندما تشعر بعدم الارتياح، وأن هناك من الضغوطات التي تجعلك تشعر بهذا الاحساس فعليك التوجه الى مستشار في الصحة النفسية، انهارده حوارنا هيكون مع
الدكتورة شاهندة عبدالحميد عثمان دكتورة الصحة النفسية والإرشاد الأسري.
س: في البداية ممكن تعرفينا أكتر عن حضرتك؟
شاهندة عبدالحميد عثمان
معالج نفسي وخبير قضايا مراة معتمد ومستشار تحكيم وطنى وعضو بالنقابة العامة للصحافة والاعلام ومستشار علاقات دبلوماسية وسفير اتحاد الصداقة العربية
والاهم ام لاجمل بنتين فى الدنيا وزوجة لمهندس اد الدنيا وابنه لاحسن اب فى العالم
س: هل العنف النفسي أكبر أم العنف الجسدي؟
فى رايي العنف النفسي اكبر بكتير لان اثاره قد لا تمحى من الذاكرة ومش سهل انه يتم تخطيه
س: هل الانسان اللي دايما بيأذي اللي حواليه بالكلام تعرض لأذى نفسي في صغره وصله لده؟
مش شرط ابدا، التربية عليها عامل كبير فى ده ممكن يكون الشخص كان مدلل بزيادة ومحدش قاله صح وغلط فطلع حاد الطبع
س: حضرتك حصلتي على لقب خبير قضايا المرأة ممكن تنصحي الستات نصايح تفيدهم في الحياة الأسرية؟
اهم نصيحة اقدر اقولها للمراة بيتك رقم واحد مافيش حاجة اسمها ببنى نفسي ومضيعة اللى فى البيت اذا اللى فى البيت اتربوا تربية سوية انتى هتكونى ست ناجحة وانجح من كل اللى شايفاهم احسن منك
ومن اثبات نفسك كأم انتى قادرة تعملى كل حاجة وتشيلي جبال
س: ممكن تعرفينا ازاي نتخلص من العنف النفسي اللي بيواجه معظم النساء؟
التربية التربية التربية للاسف الى حد كبير عنصر الاخلاق والتربية ضاع فضاعت الاجيال وزاد العنف النفسي وزاد الطلاق السوء من الراجل والست لازم تاهيل صح للاتنين من قبل الزواج عشان نحد من ظاهرة الطلاق والعنف النفسي
س: تحبي تقولي اية لأي مرأة تعاني من فقدها للأمان الأسري؟
الامان له اشكال كتير جدا مادى ونفسي وعاطفى واجتماعى ومعنوى وانواع تانية كتير .. اهمهم للمراة العاطفية او الرومانسية الامان العاطفى وللمراة العقلانية مثلا الامان المادى وكلها اشكال للامان الاسري وكل ست بتفرق شخصيتها عن الاخرى فالموضوع كبير صعب احصيه فى رد على سؤال بس سؤال ممتاز خلينا نرد عليه فى الحوار القادم باذن الله 😉
س: في النهاية تحبي تقولي ايه لأي شخص بيعاني من أي ضغوطات في المجتمع؟
الضغوط اسلوب حياة 😁
محدش عايش بدون ضغوط
(لقد خلقنا الانسان فى كبد )
الحياة كلها مشقة المهم اننا نستقبل الضغوط برضا هنرتاح ونعرف ان كل ابتلاء وراه حكمه وخير حتى لو مش عارفين ايه هو .. سر تقبل الضغوط هو الرضا
تحرير: أميرة حجازي