أنا كبرت ... بداية جديدة
بقلم كوتش إلهام السيد
في لحظة معينة كل بنت بتقف قدام نفسها وتقول " أنا كبرت "
مش مجرد كلمة ده إعلان غير رسمى عن كم التغييرات النفسية والجسدية والعاطفية
اللي متلخبطة جواها
المراهقة مش بس تغيير في الشكل
دى مجموعة تغيرات بتحصل جوا بناتنا وده طبيعى جداً
لأن العقل والقلب في الفترة دى لسه بيتعرفوا علي بعض
وطبعاً واحدة من أكبر التحديات اللي بتقابلنا في السن ده
هى العلاقات
لأن البنت بتعبتر أى أهتمام أو كلمة لطيفة معناها حب .
لأنها لسه متعرفش الفرق بين الحب والإحتياج .
ومع التغيرات اللي بتحصل جسدياً بيبدأ نضج أنوثتها
واللي بتحتاج فيه تقبل وثقة في نفسها
عشان تعدى المرحلة دى بأمان
ويجي هنا سؤالها الأهم
أنا مين أنا الكبيرة اللي بعرف أخد قراراتى بنفسي
ولا أنا الصغيرة اللي عايزة حضن وحنان واهتمام ماما وبابا
متلخبطة في رحلتها
المهم يا ست البنات
أنك تسمعى نفسك وتفهميها
أنتى كبرتي آه
بس كبرتى هنا يعني أبتديتي رحلة جديدة
رحلة محتاجة شجاعة
وعى وثقة في النفس
رحلة محتاجة قربك من ربنا
رحلة محتاجة صدقك مع نفسك
وصدقينى
جمال المرحلة دى إنك بتكتشفي نفسك يوم بعد يوم 🤍
دمتم بخير حبيباتى 🥰🤍
لمتابعه كوتش إلهام
هنا