الغريب انه مكانش معاه اي أدوات هي مجرد
فرشاة شعر ومعجون أسنان وبعض الحاجات البسيطة شكله كان غريب بس اللي زود الفضول ان معظم الوقت الاوضة بتكون ضلمة الستائر دايما مقفولة و الأضواء خفيفة جدا
و لما واحدة من العاملات دخلت تنضف الاوضة قال ليها متقفلش الباب عشان هو مستني صديق ليه
وفي صباح يوم 4 يناير لاحظ موظفين الفندق إن الخط بتاع تليفون الاوضة كان مفصول بشكل غريب
بعتوا عامل فضل يخبط على الباب بس مفيش رد و لما يأسوا ان حد يرد دخلوا الاوضة باستخدام المفتاح العام
اللي شافوه كان مروّع الشاب مقيّد بالحبال ملطّخ بالدم و عنده جرح في صدره و جروح في راسه و يمكن يكون اتعرض لمحاولة خنق
رغم إصاباته الشديدة الشاب كان لسة على قيد الحياة وقت دخولهم الاوضة و لما سألوه مين اللي عمل كده
قال محدش عمل حاجة و بعدها اغمى عليه و لما راح المستشفى اتوفى هناك
لكن اللي زود اللغز أكتر غرابة هو أن اسم رولاند ت. أوين
كان اسمًا مستعار مفيش حد من السلطات أو الشرطة أو الفنادق لقى ليه سجل رسمي بالاسم ده
بعد مدة من الحادثة اتعرفت والدته عليه من صورة الضحية في جريدة وقالت إنه ابنها المفقود اسمه ارتيموس اوجل تري اللي مشي من بيته في ألاباما وهو في مقتبل العمر في رحلة لاكتشاف العالم
و مع كل ده الشرطة معرفتش توصل لأي حاجة و اللي زاد غرابة الحادثة
ان مفيش أي آثار لسلاح الجريمة لا سكاكين ولا أدوات
و كل متعلقاته و ملابسه تقريبا اللي جه بيها ، اختفت من الاوضة
و اللي الحاجات اللي لقوها موجودة في الاوضة دبوس شعر و دبوس أمان و سيجارة غير مدخّنة و كمية من حمض مخفّف
بصمات الأصابع اللي لقوها على تليفونه أو اكوابه طلعت غير مطابقة لأي حد في الفندق
بعد وفاته، تم تحضير دفنه في مقبرة فقيرة لكن فجأة تلقّت دار الجنازات اتصال من شخص مجهول بيقول إنه هيدفع التكاليف عايزه يتدفن قريب من أخته و أرسل باقة ورد فيها بطاقة بتقول Love Forever, Louise ( الحب إلى الأبد، لويس).
والدته بعد وفاته جالها رسائل مطبوعة مش مكتوبة بخط اليد من ابنها اللي مات و الرسايل دي بتقول أنه حي و مسافر في أوروبا و مش بس كده ده كمان مكالمة من شخص بيقول أن أرتيموس بيعيش في القاهرة و اتجوز هناك
و تعددت التفسيرات و الإجابات بس المؤكد لحد دلوقتي انه مات و محدش يعرف ليه او ايه اللي حصل ولا حتى عرفوا هو استخدم مستعار ليه
موت ارتيموس هيفضل لغز و سر كبير مش معروف لأنه عمل كل حاجة ممكن يعملها في سبيل ان محدش يعرفه باسم ارتيموس و يفكروا اسمه رونالد ت. أوين
عمل فريق ضوء خافت
كتابة جني محمد السمنودي