حوار صحفي مع الكاتب والروائي/ محمد الشيمي
عندما تبدع الحروف، وتفيض المشاعر بالكلمات، تُخرج لنا كُتّاب يظهروا لنا هذا الشعور. حوارنا مع الكاتب المبدع محمد الشيمي
س: في البداية، ممكن تعرفنا عن نفسك؟
انا محمد الشيمي.. ٣٢ سنه .. خريج كلية تجارة قسم محاسبه
س: امتى بدأت مشوارك الأدبي؟
بدأت مشواري بشكل رسمي السنه اللي فاتت ٢٠٢٤ وكتبت اول روايه ليا ❤️
هي رومانسيه اجتماعية اسمها أنت قلبي ( البونيستيا) 🌹
س: ايه السبب اللي خلاكي تحب الكتابة؟
سبب حبي للكتابه مختلف شويه عن غيري .وهي فكره ان بعيش عالم معين من الأحداث وحابب الناس يشاركوني أفكاري وعالمي
لغه الحوار بيني وبين الآخرين هي الكتابه 👌
س: ايه هي أعمالك الأدبية؟
وبالنسبه للأعمال الادبيه
صدر ليا روايتين ..
روايه أنت قلبي العام الماضي
روايه العراب وهتكون موجوده في معرض القاهره الدولي للكتاب في يناير المقبل باذن الله
س: مين اللي شجعك على الكتابة؟
اكتر حد شجعني علي الكتابه هو اخويا الدكتور احمد الشيمي ( دكتور قلب)
س: تحب تقول ايه لاي حد بيبدأ في الكتابة؟
بالنسبه لاي حد بيبدأ المشوار متقلقش من فكره ان في مشاهير في المجال .كل حاجه بتيجي مع الوقت
اهم حاجه الصبر والتركيز والمثابرة
ومتستعجلش ولا تتأثر بالسلب من الانتقادات . بالعكس اسمع النقد وحاول تحول السلبي لايجابي وتستفيد بشكل أكبر
س: مين هو قدوتك من الأدباء؟
قدوتي الدكتور مصطفى محمود 👌
س: تحب تقولي ايه للشخص اللي خلاك تبدع في الكتابة؟
فكره الابداع في الكتابه مقدرش اقولها علي نفسي .. دى لازم تكون آراء الناس بالتأكيد. واتمني اكون واحد من أهم كتاب وروائيين العصر الحالي
س: وفي النهاية، تحب تقول ايه لقراءك؟
بالنسبه للقراء دول حبايبي واهم ناس في حياتي وتاثيرهم عليا كبير وبفرح جداً لما بتجيلي رسائل مدح من الجمهور أو القراء يعني وفي اكتر من حد كان بيسالني باستمرار امتي الروايه الجديدة هتنزل . احنا متشوقين ليها جدآ ❤️ طبعاً دا شعور بالسعاده مقدرش اوصفه 🥰
عموماً الجمهور هو اهم حاجه بالنسبه لي 🙏❤
تحرير: أميرة حجازي