تفتكروا أساطير الجن حقيقية، وهل فعلا في ناس بتشوف الجن، هنعرف الكلام ده في مقال انهارده اللي بيتكلم عنه فريق ضوء خافت.
سجن الجن، قعر جهنم، بيت الأرواح
كل دي مسميات غريبة اطلقوها على بئر برهوت
طب ليه سموها كده رغم ان هي ليها اسم تاني بالفعل
و يا ترى المسميات الغريبة دي ليها سر !؟
بئر برهوت مش مجرد بئر عادية، دي اتقال عنها حاجات كتير،
هي بئر موجودة في اليمن و الناس زمان كانوا بيقولوا عليها حجات كتير اوي.
بيقولوا انها مسكونة بالجن و الشياطين و مش بس كده ده كمان بيقولوا ان أرواح الناس المجرمين بعد موتهم بتتجمع في البئر.
والناس بتحكي إن البئر بيخرج منه رائحة سيئة من بيقولوا عنها ريحة الموت.
و في ناس تانية متكلمتش على الرائحة و اتكلمت على الأصوات.. حكوا انهم سمعوا استغاثات و صرخات ألم طالعة من البئر و كأن الناس محبوسة فيها.
و في أقاويل تانية ذكرت انها أرواح الناس و الجن
و رغم كل الكلام ده إلا أن كان فيه أسطورة مشهورة عنها جدا و هي ان البئر دي ملهاش قاع و ان اي حد بيحاول ينزل فيها مبيرجعش، و الناس قالت انهم لما جربوا يرموا حجارة فيها مسمعوش صوت ارتطام.
و هتفضل بئر برهوت من أكبر الالغاز اللي محدش عرف ليها حل لحد دلوقتي!
عمل فريق ضوء خافت
كتابة جنى محمد السمنودي
تنسيق: أميرة حجازي