في سن صغير استطاع أن يكتب اسمه بين أساتذة اللغة الانجليزية فحبه للغة ولقدرته المهولة على سرعة التعلم، واصل السعي الى حلمه الذي لطالما أراد أن يحققه، ووصل الى مبتغاه، نحن نتحدث اليوم عن معلم ومدرب اللغة الإنجليزية (مصطفى عاطف )
س: في البداية، ممكن تعرفنا أكتر عن مصطفى عاطف؟
أنا مصطفى عاطف بدأت وانا عندي ١٦ سنة كنت بدرس للاطفال
و ١٧ سنة كنت بدرس للثانوية العامة
و ١٩ سنة بدأت ادي كورسات بدل الدروس
س: ايه السبب اللي خلاك تحب اللغة الانجليزية؟
اللي خلاني احب اللغة الانجليزية.. اني كنت بتعامل مع اجانب في شغل البرمجة من صغري و لان هي لغة مهمه جدا بتتيح للناس فرص افضل في حياتها
س: هل حبك للغة الانجليزية هو اللي شجعك إنك تواصل العمل في المجال ده؟
ايوة انا بحب اللغة جدا و هي اللي حببتني في الشغل و خلتني اتوسع في مجالات مختلفة
س: مين أكتر حد وقف جنبك لحد ما وصلت للي انت فيه دلوقتي؟
اكتر حد وقف جمبي هم اهلي و هم اللي شجعوني احقق كل ده
س: مين قدوتك في الحياة؟
قدوتي في الحياة كل الاشخاص الناجحين اللي حققوا حاجات مفيدة وجميلة لبلدهم مفيش حد محدد
س: تحب تقول ايه لأي حد نفسه يتعلم اللغة الانجليزية؟
احب اقول لاي حد عاوز يتعلم اللغة انه يصبر وميملش لان اي حاجة بتيجي بعد الوقت والاجتهاد
والصبر اللي هتديه للغة دي هيكون مفيد جدا ليك ولحياتك في المستقبل باذن الله
س: في النهاية تحب تقول ايه لأكتر حد وقف جنبك؟
احب اقول لاكتر حد وقف جمبي
شكرا من قلبي انك دايما كنت سند ودعم ليا في المواقف الصعبة قبل المواقف الحلوة
تحرير: أميرة حجازي