الفقد (( بيننا وبينهم))
بقلم كوتش إلهام السيد
المووووت
بيجى فجأه ياخد مننا أغلي الناس
ويفضل جوانا فراااغ كبييير
ووجع ميتوصفش
بيفضل جوانا كلام كتييير متقالش
بيبقي نفسنا نجري عليهم ونحكى تفاصيل يومنا
زى ما متعودين
نشاركهم ضحكة علي موقف بسيط
بس بيكونوا خلاص مش موجودين
وجع الفقد مش لحظة وبتعدى
دى حالة بتفضل جوانا
وجع بيتكرر مع كل ذكرى وموقف ولحظة
بس الحقيقة
إن علاقتنا بيهم مش بتنتهى في لحظة فقدهم
هما لسه جوانا
في عقلنا
في قلبنا
في كل موقف بيعدى علينا ونتخيل بس تصرفهم
في دعواتنا ليهم اللي مش بتقف
ومطلوب مننا التعايش
لأ معناه
أننا نعيش رغم الغياب
نخلي وجعنا دافع إننا نكمل
نخلي الحنين جسر
بينا وبينهم بالدعاء
الحزن مش ضعف
الدموع مش عيب
دول جزء من رحلة التعايش
بس يعني
لو إنت عايش الوجع ده دلوقتي
أسمح لنفسك تحس وتفتكر
وتتكلم وتبكي وتصرخ كمان
خد وقتك علي ما تقدر
عيش مشاعرك متنكرهاش
بس متنساش إن حياتك
لسه مستمرة ووراك ناس محتاجلك
وإنك كرمك للي مشيو
إنك تعيش وتقدر تتعايش
وتبقي أحسن صورة من نفسك
زى ما كانو يتمنوا يشوفوك
خلي حزنك علي فراقهم
يكون بداية مش نهاية
إنك تحضن قلبك وتطبطب عليه وتكمل في الدنيا
وصدقني الفقد مش نهاية
الفقد بينا وبينهم جسر
رابط أرواحنا ببعض
لحد ما نتقابل تاني 🤍
دمتم بخير 🥰🤍
لمتابعة هنا كوتش إلهام