الشعر لغة الأدب والأدباء، اذا رأيت انسانا بليغا يتحدث بطلاقة، فاعرف انه شاعرا وأديبا، حوارنا اليوم مع كاتبة استطاع الشعر أن يدق بابها ليخرج ماهو جميل بداخلها، انها الشاعرة فاطمة عبدالعليم محمود
س: في البداية، ممكن تعرفينا عن نفسك؟
فاطمة عبد العليم محمود
29سنة
خريجة
معايا ليسانس آداب وعلوم إنسانية+دبلوم عام تربوي
وكونتنت رايتينج وسيلز مودريتور ريموتلي ولكن وظيفتي الأساسية معلمة لغة عربية
من محافظة السويس
س: امتى بدأتي مشوارك الادبي؟
بدأت الكتابة والشعر من صغري نقدر نقول من ابتدائي
كنت بشارك دائما في مسابقات الإلقاء والشعر في المراحل الدراسية المختلفة. كانوا مسميني*شاعرة المدرسة*
بدأت اكتب خواطر وزجل وبعدها شعر عامي وحر
اخدت دورات تدريبية في أكاديمية الكاتب لإتقان القصة القصيرة والرواية
س: ايه السبب اللي خلاكي تحبي الكتابة؟
انا بحس إن الكتابة دي صديقتي الأمينة المتاحة في كل وقت ،برتاح بيها من كل حاجه وبتونس بيها عن كل الناس
س: هل شاركتي في معارض من قبل؟
للأسف انا كان عندي فرص اشارك في معارض قبل كده بس كنت بخاف جدا لان عندي معلومة أنهم بياخدوا الأعمال وينسبوها لغيري
س: مين اللي شجعك على إنك توصلي للي بقيتي فيه؟
ماما هي الداعم الأساسي
س: ايه هي اعمالك؟
كتبت اكتر من قصيدة
*معلش يا دنيا بنتعلم
*ع الناس البايعة متحزنيش
*عشقتك بقلب متغمي
*يامن تبرأت من دمك
*أنا الغلطانه
س: تحبي تقولي ايه للي لسه بيبدأ مشواره الأدبي وبيفقد الشغف أحيانا؟
كلنا بيجيلنا ككتاب بلوك ولكن صدقني مش هتلاقي حد يطلعك من اللي انت فيه غير الكتابة هتسمعك وتحس بيك وتتحملك وكده كده ربنا مش بيضيع عمل اي شخص افضل حاول واسعى لحد ما الإذن يجي من عند ربنا وقتها هتقول انا ازاي وصلت للنجاح ده كله
س: وأخيرا، مين اللي له الفضل في إنك توصلي لحلمك؟
وطبعاً كل الشكر والامتنان والاحترام لجروب معاً للقمة خاصة أستاذة مريم الجميلة وأستاذة أميرة اللي دايما بيدعمونا وساعدوني اوصل ليكم♥️🤍
تحرير: أميرة حجازي
تحت إشراف: مريم أشرف