تفتكروا المشرحة مكان هادي و مفيش فيه غير الموت؟
طب إيه رأيكوا لو قولتلكوا إن ورا الأبواب دي حصلت حاجات محدش كان يتخيلها ؟
خمر، دجل، و جثث بيتلعب بيها !
حادثة مشرحة اسوان جريمة هزت مصر كلها .
عامل المشرحة السابق سمح بدخول الدجل و السحر و الشعوذة في المشرحة بوسائل مش قانونية و مكنتش دى الحادثة الوحيدة اللي عملها،
اتعرف إنه سمح بدخول واحدة من المواطنات المتطوعات و إنها تحقن جثة من جثث السيدات بعقار و ضحك عليها وفهمها إنه عقار الفورمالين و اكتشفنا بعدها من المعلومات الطبية إن عقار الفورمالين ده عقار بيستخدموه عشان يحافظوا على الجثث
للسفر على سبيل المثال.. ولازم يبقى بإشراف طبي
و كانت الصدمة إن عامل مشرحة يشرف على حاجة زى كده من غير أي خلفية علمية او قانونية
تم الكشف عن الحادثة دي بواسطة النيابة الإدارية وحاولوا يوصلوا للسبب اللي يخلي عامل بسيط يتورط فى جريمة زي كده
صدمة من الصدمات اللي اتعرفت و كانت مسيطرة على تفكير أهالي أسوان إنه كان بيسرق المتوفيين فى المشرحة و ينصب على أهل المتوفي و ياخد منهم فوق التمن اساسا، و كان بيسمح للمواطنين إنهم يدخلوا يشوفوا المتوفيين بدون تصريح حكومي
إضافة لجرايمه إنه سمح لسيدة إنها تدخل المشرحة و خد منها مبلغ مقابل إنها تعمل دجل ووشعوذة جنب جثث المتوفيين
و مكتفاش بكدا ابدا ده كمل الجريمة و دعى اتنين من صحابه مش من العاملين فى المشرحه وعملوا حفل ليلي وشربوا الخمور جنب الجثث
بدأت النيابة الإدارية تجيلها شكاوي من المواطنين ضد العامل و بالفعل بدأت النيابه تبص علي السجلات و تعمل تحرياتها لحد ما عرضوا نتايج التحقيقات على فرع الدعوة التأديبية فى أسوان
وبالفعل المتهمين دول هياخدو عقوبتهم واشد عقوبة
قال مصدر بالنيابة الإدارية في أسوان: "التحقيقات أثبتت وجود تجاوزات خطيرة في المشرحة، والعقوبة هتكون رادعة لكل من يسيئ استغلال منصبه أو ينتهك حرمة الموتى"
حد من أهالي أسوان علق و قال : "اللي حصل جوه المشرحة حاجة توجع القلب إحنا سلمنا موتانا علشان يتكرموا مش يتعرضوا للإهانة بالشكل ده"
حادثة هزت أهالي اسوان ومصر كلها من بشاعة الموقف وعدم احترامه لحرمة الميت
عمل فريق ضوء خافت
كتابة فاطمة طارق
