تقرير عن اصغر مبرمج (محمد مصطفى)
معانا النهارده شخص رغم صغر سنه إلا إنه تفوق على الأكبر منه…
محمد مصطفى شاب عنده 15 سنة، ورغم صغر سنه قرر إنه يستغل وقته ويستغل ذكاءه في حاجات مفيدة.
محمد مصطفى شاب عنده 15 سنة، قدر يثبت نفسه في مجالات ناس أكبر منه بكتير. هو Full-Stack Developer وكمان Graphic Designer، وعنده خبرة كبيرة في المجالين دول. مش بس كده، محمد كمان مهتم بمجال الذكاء الاصطناعي وخاصة الـ Generative Fill، واللي بيستخدمه عشان يسهّل الشغل ويوفر وقت ومجهود سواء في التصميم أو البرمجة أو حتى في الحياة اليومية.
محمد برمج مواقع كتير لعملاء مختلفين، واشتغل معاهم بشكل احترافي رغم صغر سنه، وكمان دخل في مجال التدريب على البرمجة عشان يفيد غيره ويشارك خبرته.
هو معروف بحبه للتطوير المستمر، ودايمًا بيدوّر إزاي يستغل مهاراته عشان يعمل حاجة جديدة ومختلفة.
وفي النهاية… أي حد في سن محمد ممكن يستغل صغر سنه ويقول “أنا لسه صغير” ويضيع وقته في اللعب أو في حاجات ملهاش لازمة، زي ما بنشوف كتير. لكن لما نلاقي حد بيهتم يطور نفسه وذاته، ويدخل في مجالات أكبر من سنه لكن مناسبة لعقله الكبير… لازم نقف عنده ونشجعه.
أنا بتمنى لمحمد دوام التوفيق والتقدم، ومن الواضح إنه هيكتسح لما يكبر أكتر، ومستقبله باهر وباهر جدًا. احفظوا الاسم كويس جدًا… لإنكم هتشوفوه كتير في المستقبل إن شاء الله.
لمتابعة شغله اضغط هنا
تحرير: مريم أشرف