متخونش نفسك
بقلم كوتش إلهام السيد
أقسي خيانة مش اللي بتيجي من حد في حياتك
ايا كان مين هو
أقسي خيانة اللي بتيجي منك لنفسك
اللي بتيجي أما تكتم إحساسك
أما تطنش قلبك ومشاعرك
أما تسيب روحك تصرخ جواك
وإنت عامل فيها تمام ومش سامع
أقسي خيانة هي خيانتك لروحك
أما تكمل في علاقة عارف ومتأكد إنها بتكسر فيك كل يوم حتة
أما توقف محاولاتك للسعي
بمجرد إنك وقعت مرة أو أتنين
أما تبيع أحلامك عشان تنول رضي حد في حياتك
وأنت عارف أن محدش فينا وجوده أبدي في حياة الآخر
أما تخون مبادئك وتعمل حاجه مش شبهك عشان تغذي شعور جواك
أقسي خيانة لنفسك
أما تسيب الخوف يشل حركتك
وتبرر لنفسك إن الوقت مجاش
أو الامكانيات مش كفاية
أقسي خيانة
أما تخذل نفسك لأن الخذلان الحقيقي بيبقي أصله من جوانا
الخذلان الحقيقي أما أنت تتنازل عنك
قلبك مش محتاج منك وعود
محتاج منك صدق
مشاعرك مش محتاجة منك كتم
محتاجة منك إحترام
متخونش نفسك
لو العالم كله خذلك
هتقدر عادي تكمل عادي
لاكن لو أنت خذلت نفسك هتتسحب في القاع
وهتفضل تحت الأرض
وصدقني مفيش حاجة تستحق أنك تخون وتخذل نفسك عشانها
ولا علاقة ولا فرصة شكلها من بره برآقه
ولا مشاعر لحظية
لأن في الآخر كل حاجة بتتعوض
إلا أنك ترجع لنفسك نفسك تاني
عيش صادق مع نفسك
وأسمع روحك من جوا
مفيش حاجة في الدنيا تستحق أنك تضيع منك .
دمتم بخير 🥰 🤍
لمتابعه كوتش إلهام السيدهنا